Estes son os idiomas que se poden estudar neste centro: Alemán. Francés. Galego, Inglés, Italiano e Portugués.

Niveis de lingua:

Segundo o Real Decreto 191/2007, publicado no DOGA do 9 de outubro de 2007, as ensinanzas de idiomas de réxime especial se organizarán en tres niveis: básico, intermedio e avanzado.

Modalidades de estudo na EOI:
Os alumnos poderán seguir a ensinanza dos idiomas que se imparten neste centro que a seguir se detallan:

1º. Ensino presencial.- O alumno asiste ás clases no curso no que estea matriculado e realiza exames parciais e o exame final. Tamén ten dereito a unha avaliación continua ó longo do curso se asiste regularmente a clase e non supera a porcentaxe de faltas admitidas.

2º Ensino a distancia.-"That's English": [soamente para INGLÉS] existe a posibilidade de estudiarInglés seguindo clases a través de LA 2 de TVE, e asistindo a titorías semanais nas EOI's e/ou centros asociados.Esta modalidade consta de 9 módulos. Cada secuencia de tres módulos correspóndese cun curso da EOI, segundo o seguinte esquema:

Módulos 1 a 3, equivalen ó Primer Curso.
Módulos 4 a 6, equivalen ó Segundo Curso.
Módulos 7 a 9, equivalen ó Terceiro Curso.

A superación do Módulo 9 dará lugar á certificación acreditativa de ter superado o Ciclo Elemental do Primer Nivel de idioma Inglés das EOI's. Mais información neste enlace

 

A Escola de Idiomas contempla tamén estas posibilidades:

Ensino Libre.- O alumno pode facer as probas de certificación de final de nivel polo réxime libre no mes de xuño, matriculándose na EOI nos prazos establecidos para as ditas probas. Estas probas son en convocatoria única.

Probas de clasificación.- O alumno pode realizar as probas de clasificación no mes de setembro se xa ten coñecimentos do/s idioma/s que quere cursar, para acceder ao curso que se corresponde co seun nivel.